భారత క్రికెట్ దిగ్గజం కపిల్ దేవ్, ఆంధ్రప్రదేశ్ ముఖ్యమంత్రి చంద్రబాబును కలిశారు. గన్నవరం విమానాశ్రయంలో కపిల్ దేవ్ కు ఎంపీ, ఆంధ్రా క్రికెట్ సంఘం అధ్యక్షుడు కేశినేని శివనాథ్, తిరువూరు ఎమ్మెల్యే కొలికపూడి శ్రీనివాసరావు స్వాగతం పలికారు. అనంతరం అమరావతి వెళ్ళి చంద్రబాబుతో సమావేశం అయ్యారు.అమరావతిలో గోల్ఫ్ కోర్స్, క్లబ్ ఏర్పాటుపై ముఖ్యమంత్రితో చర్చించినట్లు సమాచారం.
ప్రొఫెషనల్ గోల్ఫ్ టూర్ ఆఫ్ ఇండియా అధ్యక్షుడిగా కపిల్ దేవ్ ప్రస్తుతం ఉన్నారు. అమరావతిలో గోల్ఫ్ మైదానం ఏర్పాటుకు సీఎం చంద్రబాబు సానుకూలంగా స్పందించినట్లు తెలుస్తోంది.
ఆంధ్రప్రదేశ్ లో క్రికెట్ స్టేడియంల అభివృద్ధికి కపిల్ నుంచి సలహాలు, సూచనలు స్వీకరిస్తామని కేశినేని శివనాథ్ అన్నారు.
