ఆంధ్రప్రదేశ్‌ పబ్లిక్‌ సర్వీస్‌ కమిషన్(appsc) ఛైర్ పర్సన్‌గా రైటర్డ్ ఐపీఎస్ ఎ.ఆర్.అనురాధ బాధ్యతలు చేపట్టారు. విజయవాడ బందర్ రోడ్డులోని ఏపీపీఎస్సీ ఆఫీసులో ఆమె బాధ్యతలు స్వీకరించారు. కమిషన్ కార్యదర్శి జె.ప్రదీప్ కుమార్, ఆమెతో పదవీ ప్రమాణస్వీకారం చేయించారు. బోర్డుసభ్యులు, ఇతర సిబ్బంది అభినందనలు తెలిపారు.
ప్రమాణస్వీకార కార్యక్రమం అనంతరం పెండింగ్ లో ఉన్న నియామకాలతో పాటు ఇతర సమస్యల గురించి సభ్యులను అడిగి తెలుసుకున్నారు. ఉద్యోగాల భర్తీ కోరుతూ రాష్ట్ర ప్రభుత్వం నుంచి వచ్చిన ప్రతిపాదనలు, కొత్తగా నోటిఫికేషన్లు, ఇవ్వాల్సిన ఉద్యోగాల గురించి ప్రాథమిక చర్చ జరిగింది.
వైసీపీ హయాంలో ఐపీఎస్ గౌతమ్ సవాంగ్ ఏపీపీఎస్సీ చైర్మన్ గా వ్యవహరించారు. ప్రభుత్వం మారిన తర్వాత ఆయన రాజీనామా చేయడంతో అప్పటి నుంచి ఈ పదవి ఖాళీగా ఉంది. దీంతో అనురాధను చైర్ పర్సన్ గా నియమిస్తూ బుధవారం ప్రభుత్వం ఉత్తర్వలు జారీ చేసింది.
