జనసేనలోకి చేరికలు ఊపందుకున్నాయి. 2024 ఎన్నికల అనంతరం ఆ పార్టీలోకి పెద్దఎత్తున వలసలు పెరిగాయి. మాజీమంత్రి బాలినేని శ్రీనివాసరెడ్డి,వైసీపీ మాజీ ఎమ్మెల్యే సామినేని ఉదయబాబు, పొన్నూరు మాజీ ఎమ్మెల్యే కిలారి రోశయ్య కూడా జనసేనలో చేరారు. పవన్ కళ్యాణ్ వారికి పార్టీ కండువా కప్పి పార్టీలోకి ఆహ్వానించారు.

బాలినేని శ్రీనివాసరెడ్డి గత ఎన్నికల్లో ఫ్యాన్ గుర్తుపై పోటీ చేసి టీడీపీ అభ్యర్థి చేతిలో పరాజయం చెందారు. జగ్గయ్య పేట మాజీ ఎమ్మెల్యే సామినేని ఉదయభాను కూడా గత అసెంబ్లీ ఎన్నికల్లో వైసీపీ తరఫున పోటీ చేసి ఓడారు. 2019 ఎన్నికల్లో పొన్నూరు నుంచి ఫ్యాన్ గుర్తుపై పోటీ చేసి గెలిచిన కిలారు రోశయ్య, 2024లో గుంటూరు పార్లమెంటుకు పోటీ చేసి ఓడారు. ప్రస్తుతం ఆయన కూడా జనసేనలో చేరారు.