గణేశ్ లడ్డూ వేలంలో రికార్డు ధర నమోదైంది. ఏటా గణేశ్ ఉత్సవాల సందర్భంగా లడ్డూ వేలం జరుగుతూ ఉంటుంది. హైదరాబాద్ బండ్లగూడ గణేశ్ లడ్డూ వేలంపై అందరూ ఆసక్తిగా గమనిస్తూ ఉంటారు. అయితే ఈ ఏడాది కూడా బండ్లగూడ జాగీర్ గణేశ్ లడ్డూను కీర్తి రిచ్‌మండ్ విల్లాస్ కమ్యూనిటీ రూ.1.87 కోట్లకు స్వాధీనం చేసుకుంది. గత ఏడాది ఇదే కమ్యూనిటీ బండ్లగూడ గణేశ్ లడ్డూను రూ. 1.26 కోట్లుకు వేలం పాడింది.
హైదరాబాద్‌లో పలు ప్రాంతాల్లో గణేశ్ లడ్డూను వేలంలో దక్కించుకునేందుకు వేలాది మంది పోటీ పడుతుంటారు. వేలంలో గణేశ్ లడ్డూను దక్కించుకోవడం స్టేటస్ సింబల్‌గా మారింది. అందకే పోటీపడి మరీ ధరలు పెంచుతుంటారు. హైదరాబాద్ రియల్ ఎస్టేట్ మార్కెట్ పరిస్థితులను కూడా గణేశ్ లడ్డూల వేలం ధరలు తెలియజేస్తుంటాయని విశ్లేషకులు చెబుతుంటారు.
