టీ20 వరల్డ్ కప్- 2024లో జట్ల మధ్య హోరాహోరీ పోరు జరుగుతుంది. న్యూయార్క్ లో జరిగిన మ్యాచ్‌లో బంగ్లాదేశ్‌పై దక్షిణాఫ్రికా విజయం సాధించింది. 114 పరుగుల లక్ష్యంతో బ్యాటింగ్ చేసిన బంగ్లాదేశ్ 20 ఓవర్లలో 7 వికెట్లు నష్టపోయి 109 పరుగులు మాత్రమే చేసింది. దక్షిణాఫ్రికా 4 పరుగుల తేడాతో నెగ్గింది. చివరి బంతికి ఆరు పరుగులు అవసరం కాగా  క్రీజులో ఉన్న టస్కిన్ అహ్మద్ కేవలం ఒక పరుగు మాత్రమే చేశాడు. 46 పరుగులతో  జట్టు విజయంలో కీలక పాత్ర పోషించిన దక్షిణాఫ్రికా ఆటగాడు  హెన్రిచ్ క్లాసెన్‌కు ‘ప్లేయర్ ఆఫ్ ది మ్యాచ్’ టైటిల్ దక్కింది.

తొలుత బ్యాటింగ్ చేసిన దక్షిణాఫ్రికా 6 వికెట్లు కోల్పోయి 113 పరుగులు మాత్రమే చేయగల్గింది. క్లాసెన్‌ 44 బంతుల్లో 46 పరుగులు చేయగా, మిల్లర్‌ 39 బంతులు ఆడి 29రన్స్  సాధించాడు.

బంగ్లాదేశ్  బౌలర్లు తంజిమ్‌ హసన్ మూడు వికెట్లు తీయగా  తస్కిన్‌ అహ్మద్‌ రెండు వికెట్లు తన ఖాతాలో వేసుకున్నాడు. ఛేదనలో బంగ్లాదేశ్ తేలిపోయింది.  7 వికెట్లకు 109 పరుగులే చేసింది. హృదోయ్‌ (37) టాప్‌ స్కోరర్‌ గా నిలిచాడు.  కేశవ్‌ మహరాజ్‌ మూడు వికెట్లు తీయగా రబాడ, నోకియా చెరి రెండు వికెట్లు తీశారు.