Kejriwal to continue in Tihar jail, Delhi HC rejects petition against arrest

ఆమ్ ఆద్మీ పార్టీ అధినేత అరవింద్ కేజ్రీవాల్‌కు
జైలు నుంచి విముక్తి లభించలేదు. ఢిల్లీ మద్యం కుంభకోణంలో తనను అరెస్ట్ చేయడాన్ని
సవాల్ చేస్తూ కేజ్రీవాల్ దాఖలు చేసిన పిటిషన్‌ను ఢిల్లీ హైకోర్టు తిరస్కరించింది.
హైకోర్టు తీర్పుపై సుప్రీంకోర్టును ఆశ్రయిస్తామని ఆప్ ప్రకటించింది.

ఢిల్లీ మద్యం విధానాన్ని కొంతమందికి లబ్ధి
చేకూర్చేలా రూపకల్పన చేసి వారినుంచి వంద కోట్ల రూపాయల లంచాలు స్వీకరించి, అరవింద్
కేజ్రీవాల్ ఆ మొత్తాన్ని 2022 గోవా ఎన్నికల ప్రచారంలో వినియోగించారనడానికి
తగుమాత్రం ఆధారాలను ఈడీ సమర్పించిందని హైకోర్టు గమనించింది. అప్రూవర్లుగా మారిన
నిందితులు, గోవాలో ఆప్ ఎమ్మెల్యే అభ్యర్ధి చేసిన ప్రకటనలను కూడా హైకోర్టుకు ఈడీ
అప్పగించింది.

అందువల్ల కేజ్రీవాల్‌ను అరెస్ట్ చేయడం
సహేతుకమేనని న్యాయస్థానం భావించింది. ఆయన అభ్యర్ధనను తిరస్కరించింది. ఆయనను ఈడీ
కస్టడీకి, అక్కణ్ణుంచి తిహార్ జైలుకు అప్పగించిన ఆదేశాలను న్యాయస్థానం
సమర్ధించింది. హైకోర్టు తీర్పుపై సుప్రీంకోర్టులో అప్పీలు చేస్తామని ఆప్ నేతలు
ప్రకటించారు.

దేశ చరిత్రలో ఈడీ కస్టడీకి కోర్టు అప్పగించిన,
అక్కణ్ణుంచి జైలు మెట్లెక్కిన మొట్టమొదటి ముఖ్యమంత్రి అరవింద్ కేజ్రీవాలే.